| გაკვეთილის თემა | ჩვენი ოთხფეხა „მეგობრები“ |
| სწავლების საფეხური/ კლასი | დაწყებითი. 1 კლასი. |
| მოსწავლეთა პროფილი | კლასსში 10 მოსწავლეა. გასაკუთრებული საჭიროების მქონე მოსწავლე არ არის. |
| გაკვეთილის მნიშვნელობა / აქტუალობა | შეძლებენ ცხოველების კლასიფიკაციას, რაც დაეხმარება ბავშვებს ცხოველებთან ურთიერთობაში. წინარე ცოდნაში თუ ზოგადად იყო საუბარი ცოცხალ და არაცოცხალ ბუნებაზე, ამ გაკვეთილზე უფრო კონკრეტულად გაეცნობიან ცოცხალი ბუნების წარმომადგენლებს. |
| გაკვეთილის მიზნები | · შეძლონ შინაური ცხოველების ამოცნობა, დასახელება და გარკვეული ნიშან-თვისებებით მათი ერთმანეთისაგან გარჩევა. |
| მიღწეული შედეგები | ბუნ. 1.2. მოსწავლეს შეუძლია აღწეროს ორგანიზმები გარეგნული ნიშნებით. · მოსწავლეები აჯგუფებენ შინაურ და გარეულ ცხოველებს, აღწერენ მათ მსგავს და განმასხვავებელ ნიშნებს. · ჩამოუყალიბდათ ისეთი უნარ-ჩვევები როგორიცაა: დაკვირვება, მეხსიერება, კონცენტრაცია, პასუხისმგებლობა, ინტერესი და ცნობისმოყვარეობა. · გასაგები იყო ყველასათვის. |
| წინასწარი ცოდნა | ბავშვები ზოგადად იცნობენ ცოცხალ და არაცოცხალ ბუნებას. |
| თანმიმდევრობა (აქტივობა და დრო) | 1. აქტივობა. პრეზენტაცია: ცხოველების გასაცნობად გამოვიყენებ კომპიუტერს (სლაიდებს) (12-15 წთ) მოსწავლეებმა სლაიდებიდან უნდა გამოარჩიონ მხოლოდ შინაური ცხოველები (ძუძუმწოვრები). დაფაზე ვხაზავ T დიაგრამას, ერთი ნაწილი განკუთვნლია შინაური ცხოველების ჩამონათვალისათვის, მეორე კი გარეული ცხოველებისათვის. შემდეგ ვავსებთ დიაგრამას და შესაბამის სვეტში ვწერთ ცხოველთა ჩამონათვალს. 2 აქტივობა. (8-10 წთ) თაბახის ფურცლებზე ხატია შემდეგი ცხოველები: ძაღლი, კატა, ცხენი, ღორი, ვირი, ძროხა, თხა და ცხვარი. ქვემოთ აქვს წარწერა შინაური ცხოველები, გარეული ცხოველები, ვთხოვ ბავშვებს წყვილებში დაათვალიერონ ეს სურათები და წაიკითხონ წარწერები, ერთობრივად იმსჯელონ და მიიღონ გადაწყვეტილება: რომელიც ამ ცხოველებისათვის შესაფერისად მიაჩნიათ ის წარწერა დატოვონ, მეორე კი გადახაზონ. შემდეგ უნდა გააფერადონ ეს ცხოველები. 3. აქტივობა (5-6წთ) შინაური ცხოველების სურათებზე მოსწავლეები რამდენიმე დავალებას ასრულებენ. ისინი მუშაობენ წყვილებში. მოსწავლეები მორიგეობით აჩვენებენ კლასს ყველა ამ ცხოველის სურათს, წყვილები კი აჯგუფებენ: 1.ცხოველებს, რომლებიც ჭამენ ბალახს. 2.ცხოველებს , რომლებიც ჭამენ ხორცს. 3.ცხოველებს, რომლებსაც აქვთ ბრჭყალები 4.ცხოველებს, რომლებსაც აქვთ რქები და ჩლიქები. 4. აქტივობა (4 წთ) წიგნში ხატია რამდენიმე შინაური ცხოველი და იქვე ცალკე წერია სიტყვები: ჭიხვინებს, კნავის, ღრუტუნებს. მოსწავლეებმა უნდა ამოიცნონ, რომელი ცხოველის ხმიანობას, რომელი სიტყვა შეესაბამება და ხაზებით დაუკავშირონ. გაკვეთილის შეჯამება 5 დამატებითი აქტივობა. მოძეული მაქვს ცხოველთა ხმების ჩანაწერი, ვასმენინებ სათითაოდ მოსწავლეებს და მათ უნდა ამოიცნონ რომელი ხმა რომელ ცხოველს ეკუთვნის. |
| შეფასების საგანი და პროცედურები | ამ გაკვეთილზე გამოყენებულია განმავითარებელი შეფასება და კომენტარები. გამოყენებულია დაკვირვების მეთოდი. |
| სასწავლო მასალა და ტექნიკური რესურსები | წიგნი,ფერადი ფანქრები, კომპიუტერი, ქსეროქსი, თაბახის ფურცელი, ცარცი, დაფა. |
No comments:
Post a Comment